Родови и доходни нееднаквости - Finance Think

Анализа на родовиот јаз во платите во Северна Македонија

financethink — Sat, 20 Sep 2025 18:58:20 +0000

Општата цел на проектот е да се изработи сеопфатна и емпириски заснована анализа на родовиот јаз во плати во Северна Македонија, која ќе овозможи прецизни и применливи препораки за политики, во согласност со Конвенцијата 100 на Меѓународната организација на трудот и Агендата за родова еднаквост на ООН.

Потцели

Да се пресметаат сурови, прилагодени и факторски-пондерирани родови јазови во плати со користење на микро-податоци од Структурната анкета за плати (SES).
Да се изврши анализа со квантилни декомпозиции, со цел да се идентификуваат разлики по должина на платната дистрибуција (стаклен таван, леплив под).
Да се анализираат јазовите во плати во рамките на фирмите и меѓу фирмите, за да се утврди дали причините за нееднаквоста лежат во платните практики или во секторската сегрегација.
Да се пресмета т.н. „феминизациска казна“ и да се истражи како концентрацијата на жени во одредени занимања/сектори влијае на нивото на плати.
Да се спроведат консултации со засегнатите страни (синдикати, работодавачи, институции) и да се интегрираат нивните гледишта во финалните препораки.
Да се понудат практични и контекстуални препораки за политики за намалување на родовиот јаз во плати.

Клиент: Меѓународна организација на трудот и ОН Жени

The post Анализа на родовиот јаз во платите во Северна Македонија first appeared on Finance Think.

The post Анализа на родовиот јаз во платите во Северна Македонија appeared first on Finance Think.

Отклучување на женскиот економски потенцијал – понатаму од родовите граници

financethink — Sat, 20 Apr 2024 11:54:51 +0000

Целта на оваа акција е да ги поттикне и да им овозможи на жените да го достигнат својот целосен потенцијал на пазарот на трудот, со посебен фокус на продуктивноста.

Специфични цели се:

Да се идентификуваат двигателите на ниското учество на жените на пазарот на трудот и женската продуктивност, преку производство на докази и генерирање знаење;
Да се нагласи важноста на пристојните работни места, стимулативната средина, работните услови и системската поддршка како двигатели на продуктивноста и женскиот потенцијал, преку пилотирање мерки во „Комфи Ангел“ и во соработка со бизнис секторот;
Да се стимулира дијалог за политиките меѓу релевантните чинители (креатори на политики, бизнис сектор, синдикати);
Да се застапуваат политики кои овозможуваат пристојни работни места и стимулативна средина која ќе ја зголеми женската продуктивност.

Донатор: Британска амбасада во Скопје

The post Отклучување на женскиот економски потенцијал – понатаму од родовите граници first appeared on Finance Think.

The post Отклучување на женскиот економски потенцијал – понатаму од родовите граници appeared first on Finance Think.

Родово-одговорно планирање на локално ниво: Случајот со Прилеп и Крушево

financethink — Thu, 30 Dec 2021 12:08:57 +0000

Општата цел на акцијата е да се поттикне родово-одговорно планирање кое одговара на различните потреби на жените и мажите на локално ниво.

Акцијата ќе биде насочена кон вклучување на родот во програмирањето преку конкретни интервенции на три фронта: 1) Подобрување на одговорноста на локалните власти во спроведувањето на нивните заложби за родова еднаквост, 2) Зајакнување на локалните жени и мажи да ги изразат своите потреби и приоритети низ процесот на партиципативно планирање и 3) Зајакнување на локалните засегнати страни со капацитети за следење на родово-одговорниот процес на планирање.

Времетраење: Јануари 2022 – Февруари 2023

Донатор: Реактор преку Европската унија и Шведската агенција за меѓународна развојна соработка

The post Родово-одговорно планирање на локално ниво: Случајот со Прилеп и Крушево first appeared on Finance Think.

The post Родово-одговорно планирање на локално ниво: Случајот со Прилеп и Крушево appeared first on Finance Think.

Експлоративна анализа на жените и мажите во Северна Македонија

financethink — Thu, 18 Nov 2021 08:48:24 +0000

Целта на проектот е да идентификува трендови во серија индикатори за жените и мажите во Северна Македонија, како и да идентификува јазови во родовата статистика.

Клиент: УН Жени

The post Експлоративна анализа на жените и мажите во Северна Македонија first appeared on Finance Think.

The post Експлоративна анализа на жените и мажите во Северна Македонија appeared first on Finance Think.

Следење на проценката на социо-економското влијание на КОВИД-19 врз децата

financethink — Tue, 15 Dec 2020 12:40:19 +0000

Целта на следењето на проценката на социјалното и економското влијание на КОВИД-19 врз децата е да се генерираат сценарија и проширени предлози за политика во ситуација кога е сигурно дека ова ќе биде долготрајна криза, од здравствена и од социо-економска перспектива, и каде што можеме да ја потврдиме валидноста на првичните претпоставки за нејзината природа и времетраење.

Клиент: УНИЦЕФ

The post Следење на проценката на социо-економското влијание на КОВИД-19 врз децата first appeared on Finance Think.

The post Следење на проценката на социо-економското влијание на КОВИД-19 врз децата appeared first on Finance Think.

Родово одговорно буџетирање во време на пандемија

financethink — Wed, 25 Nov 2020 18:32:57 +0000

Проектот е насочен кон подобрување на позицијата на жените и намалување на родовата нееднаквост на пазарот на труд, на долг рок. Со детално испитување на употребата на родово одговорно буџетирање во активните мерки за вработување ќе се направи подлога за дизајн на нови мерки и модели за подобрување на положбата на жените на пазарот на труд и ублажување на социо-економските последици од кризата и/или ќе се дадат препораки за редизајн на постоечките мерки со цел дизајн на родово одговорни мерки мерки што најмногу одговараат на потребите и карактеристиките на жените.

Донатор: Центар за истражување и креирање политики преку Мрежа за родово одговорно буџетирање

Рок: декември 2020 – мај 2021

The post Родово одговорно буџетирање во време на пандемија first appeared on Finance Think.

The post Родово одговорно буџетирање во време на пандемија appeared first on Finance Think.

Брза проценка на влијанието на Ковид-19 врз избрани локални програми и поддршка на локалното планирање и буџетирање како одговор на непосредните социо-економски потреби на жените и мажите

financethink — Wed, 11 Nov 2020 21:30:51 +0000

Целта на овој проект е да обезбеди поддршка во развојот на брза проценка на влијанието на Ковид-19 врз избрани локални програми и да го поддржи локалното планирање и буџетирање како одговор на непосредните социо-економски потреби на жените и мажите.

Овој предлог ги предвидува следниве активности:

Канцелариска анализа на буџетите на ЕЛС за 2020 година со цел да се мапира предвидените родово-одговорни програми, нивно категоризирање и компаративна анализа со локалните политики и стратегии за еднакви можности помеѓу мажите и жените, со цел да се процени колку локални програми и средства се алоцирани директно за жени, пред Ковид-кризата.
Длабински интервјуа со службеници на ЕЛС за детално да се дискутираат интервенциите за одговор на ЕЛС за решавање на потребите на локалниот граѓанин, во врска со родовото влијание.
(Он-лајн) фокус-групи со локални граѓани за да се оцени нивното искуство и став кон мерките за одговор на ЕЛС во справување со влијанието од Ковид-19.

Сите активности ќе резултираат во кратка анализа на родовата буџетска политика (15-18 страници) за секоја ЕЛС одделно, со вклучена проценка на интервенциите за одговор на ЕЛС од родова перспектива, како и политика и препораки за подобрување на процесот на родово буџетирање во пост-Ковид периодот.

Клиент: UN Women Скопје

The post Брза проценка на влијанието на Ковид-19 врз избрани локални програми и поддршка на локалното планирање и буџетирање како одговор на непосредните социо-економски потреби на жените и мажите first appeared on Finance Think.

Оценка на ефектите од Ковид-19 врз сиромаштијата, со фокус врз најранливите категории граѓани

financethink — Sun, 05 Apr 2020 11:30:41 +0000

Целта на овој проект е да го процени ризикот од сиромаштија наметнат од Ковид-19 кризата, со посебен осврт кон групите најизложени на социјален ризик, и да ја подигне информираноста и свесноста за искористување на мерката за олеснет влез во системот на гарантирана минимална помош.

Специфични цели:

Да изврши оценка/симулација на ефектот од Ковид-19 кризата врз сиромаштијата, со посебен осврт на сиромаштија по пол;
Да изврши квалитативна оценка за ефектот од Ковид-19 кризата врз целните групи: Жените и младите во социјален ризик, неформалните работници, примателите на социјална помош и Ромите;
Да ги оцени фискалните импликации од мерката за релаксирање на критериумите за стекнување гарантирана минимална помош;
Да ја подигне информираноста и свесноста за олеснетиот влез во системот за гарантирана минимална помош;
Да предложи мерки за политиките базирани на докази, со потенцијално потесно таргетирање на целните групи.

Донатор: Генерален секретаријат при Влада на РСМ

Времетраење: Јули-Декември 2020

The post Оценка на ефектите од Ковид-19 врз сиромаштијата, со фокус врз најранливите категории граѓани first appeared on Finance Think.

The post Оценка на ефектите од Ковид-19 врз сиромаштијата, со фокус врз најранливите категории граѓани appeared first on Finance Think.

Понатаму од доходната нееднаквост во Северна Македонија

financethink — Thu, 14 Nov 2019 21:29:51 +0000

Целта на проектот е да обезбеди преглед на нееднаквостите во Северна Македонија понатаму од доходот, т.е. нееднаквости во можностите во четири критични области: образование, здравство, пазар на труд и правда.

Нарачател: УНДП

Времетраење: декември 2019 година – јануари 2020

The post Понатаму од доходната нееднаквост во Северна Македонија first appeared on Finance Think.

The post Понатаму од доходната нееднаквост во Северна Македонија appeared first on Finance Think.

Родова еднаквост на работното место: Мониторинг на локално ниво

financethink — Wed, 04 Sep 2019 11:36:12 +0000

Главната цел на проектот е промоција и поттикнување родова еднаквост и недискриминација при вработување и на работното место.

Краткорочните цели на проектот вклучуваат: 1) да се проценат ставовите на работодавачите за родовата нееднаквост и дискриминација при вработување и на работното место и механизмите за нивно спречување и заштита; 2) да се испитаат искуствата на работниците во врска со родовата нееднаквост и дискриминација и да се процени дали тие се сведуваат на изолирани случаи или се систематска појава; 3) да им помогне на креаторите на политиките да донесуваат информирани одлуки засновани врз докази, податоци и препораки; 4) да се поттикне социјален дијалог помеѓу клучните засегнати страни (работници, работодавци и носители на политики); 5) да се зголеми јавната свест за регулаторната рамка за заштита од родова нееднаквост и дискриминација при вработување и на работното место.

Донатор: Фондација отворено општество

Времетраење: ноември 2019 – мај 2020

The post Родова еднаквост на работното место: Мониторинг на локално ниво first appeared on Finance Think.

The post Родова еднаквост на работното место: Мониторинг на локално ниво appeared first on Finance Think.