Меморандум за соработка со Комисијата за заштита на конкуренцијата

Денес потпишавме Меморандум за разбирање со Комисијата за заштита на конкуренцијата
Со Меморандумот воспоставуваме рамка за соработка во насока на:
✅ унапредување на транспарентноста и достапноста на податоците за државна помош;
✅ поддршка на процесот на усогласување со ЕУ регулативата за државна помош;
✅ зајакнување на регионалната соработка и размена на добри практики.
Како дел од оваа соработка, Finance Think и мрежата WEBecon ќе продолжат да работат на развојот на регионалната платформа за државна помош, анализи и иницијативи кои придонесуваат кон поголема транспарентност, отчетност и политики базирани на докази.
Веруваме дека соработката помеѓу институциите и истражувачката заедница е клучна за подобро креирање и следење на политиките за државна помош.

Презентација на конференција од UN Women

Денес учествувавме на конференцијата „Трансформација на системите за грижа во Северна Македонија преку инклузивен, родово-одговорен пристап“, организирана од UN Women Skopje, во партнерство со институциите и со поддршка на British Embassy Skopje.
Во фокусот беше 📖 студијата „Трансформација на системите за грижа во Северна Македонија: Род, потреби за грижа и модели на финансирање за инклузивна економија на грижа“, која Finance Think ја изработи за UN Women.
📌 Инвестирањето во економијата на грижа не е само социјална политика – тоа е инвестиција во повисока вработеност, поголема економска инклузија и поодржлив развој.