Проектот е поддржан од Реактор – Истражување во Акција и нивните партнери преку акцијата “Унапредување на родовата еднаквост во процесот на пристапување во ЕУ”. Акцијата е финансирана од Европската Унија и ко-финансирана од Шведска.

Нашата Blagica Beba Petreski се обрати во вториот панел посветен на кластер 3 Конкурентност и инклузивен #раст, заедно со министрите Крешник Бектеши, Јетон Шаќири, Бисера Костадинова Стојчевска, Адмирим Алити, и директорката на УЈП Сања Лукаревска.

Во нашиот Макро-монитор којшто беше објавен во петокот, врз база на #моделски пресметки излеговме со проекција за БДП за 2023 од 2.4% и проекција за инфлација од 8.9%. Двете бројки се под значајни #ризици. Проекцијата за БДП е под надолен ризик, односно според моменталните информации веројатноста да се оствари пониска стапка од оваа е поголема, споредено со веројатноста да се оствари повисока стапка. Кај #инфлацијата, неизвесноста е во двете насоки, бидејќи движењата и изворите на притисоците се тешко предвидливи, особено случувањата на геополитички план. Меѓутоа, моментално, предвидувањата укажуваат дека дел од ценовниот притисок ќе #стивне, што ја намалува веројатноста за двоцифрена инфлација во 2023.

На глобален план, имаме веќе пад кај #цените на примарните прехранбени производи кој со одредено задоцнување ќе се преслика и врз домашните малопродажни цени, а се очекува дека и кај цените на енергентите во текот на 2023 ќе видиме одредено #стабилизирање и намалување. Секако важно е какви потези ќе преземаме и на домашен план. Субвенционирањето на струјата за #прехранбената индустрија треба да даде позитивен ефект врз пониска инфлациска стапка веќе во декември, а исто така #монетарната политика која е на линија на затегнување од април годинава ќе го изврши своето влијание.