Во интервју за @frontlinemk, Благица Петрески зборува на актуелни економски теми

⚠ Буџетските приходи се проектирани да растат за 3.5%, сметано според буџетираните приходи за 2025 година. Тој номинален раст е реалистичен, дури би рекла и потценет ако за 2026 планираме реален раст на БДП од 3.8% и инфлација од 2.5%.
Меѓутоа, проблемот се јавува што проекцијата во буџетот 2025 е нереално да се оствари, на што ние како Finance Think укажавме уште лани, а сега може да се види и по тоа што за 9 месеци имаме реализација на приходите од 67%, односно помалку од она што би била некаква пропорција согласно на времето изминато во годината. Така доаѓаме до фактот дека за 2026 повторно се проектира износ на буџетски приходи кој има значајно висок номинален раст.
Во 2026 не треба да очекуваме драматичен скок, туку умерен номинален раст од околу 6%, согласно реалната динамика на економијата. Сè друго би било „козметика на хартија“, која само ќе создаде притисок буџетот да се ребалансира уште во првата половина од годината. Притоа, причината не е само во економските услови – туку и во тоа што борбата против сивата економија и контролата на наплатата на приходите, иако забележаа одредени позитивни поместувања, остануваат со своите слабости.
https://frontline.mk/2025/11/17/d-r-blagica-petreski-za-frontla-n-bu-etot-za-2026-godina-e-izgraden-vrz-nerealno-visoki-proekcii-na-prihodi/

Марија Башеска на регионална конференција во Сараево

🔛 На 12 и 13 ноември во Сараево, нашата економистка Марија Башеска учествуваше на регионалната конференција “Think SMART: Rethinking the Old-School Funding Approach“, која беше посветена на преосмислување на моделите на финансирање и зајакнување на улогата на граѓанскиот сектор во Западен Балкан. Учеството на оваа конференција беше одлична можност да се разменат практики, да се слушнат различни перспективи и да се зајакне регионалната соработка. #civilsociety #RegionalCooperation #WesternBalkans

Finance Think на конференција за зелената индустриска иднина во Тирана

Учeствувавме на регионалната дискусија „Унапредување на зелената индустриска иднина на Западниот Балкан”, која се одржа на 3 ноември во Тирана.
Благица Петрески ги сподели завршните согледувања на настанот.
По енергетската криза, темата за енергетска транзиција сè повеќе добива економски третман, таа не е повеќе само прашање на околина, туку прашање на конкурентност, индустриско преструктурирање и долгорочна економска отпорност на земјите во регионот. 🌱⚙️
Клучната порака што ја истакнавме:
„Не треба да ја чекаме следната криза за да ја забрзаме промената; потребно е адаптибилноста да ја институционализираме.“
Настанот беше организиран од Instituti GAP и Open Society Foundations Western Balkans со учество на клучни истражувачи, носители на политики и претставници на организации од Западен Балкан.

Марија Башеска на конференција за структурните промени на Западниот Балкан

🔛 Нашата Марија Башеска учествува на конференцијата „Структурни промени во регионот на Западен Балкан“, која се одржува од 27 до 29 октомври во Тирана, во организација на Aspen Institute Germany.

Конференцијата обединува експерти, истражувачи и носители на политики од регионот и Европа кои дискутираат за структурни промени во областа на пазарот на труд, дигитализацијата, енергетиката, и миграцијата во Западен Балкан.

Средба на мрежата WEBecon Network во Подгорица

🤝 Средба на мрежата WEBecon Network во рамки на настанот на Светска банка за макро-врсничко учење (Second Macro-Peer Learning Event)
На маргините на настанот се одржа средба на мрежата, на која дискутиравме за тековните активности, идните патеки и можностите за унапредување на регионалната економска соработка.
ВЕБЕКОН продолжува да ја гради својата улога како платформа за истражување, анализа и регионална соработка, со заедничка визија – Западен Балкан како подобро место за живеење, работа и напредок.

Средба со претставници од институциите, експерти и бизнис заедницата

Finance Think организираше средба со претставници од институциите, експерти и бизнис заедницата на тема „Праведна енергетска транзиција: Кои се придобивките, а кои ризиците“. Клучните заклучоци се:
✅ Економски придобивки преку заштеди во цената на електричната енергија за домаќинствата и зголемена конкурентност на компаниите.
✅ Почиста и поздрава околина преку поголемо користење на обновливи извори на енергија.
✅ Координација и посветеност во имплементацијата на политиките – клучни за успешна и праведна транзиција.

Во интервју за Слободен печат, Благица Петрески, зборува за тековни економски прашања

⚠️ Не може да се каже дека поголемите #општини секогаш имаат поголем капацитет – има примери и на мали општини со добро планирање и дисциплина. Главниот проблем често е внатрешниот капацитет за планирање и фазна имплементација, бидејќи многу општини започнуваат многу проекти, но не ги завршуваат.

Линк

Finance Think на вториот настан за макро-врсничко учење

🔹 Finance Think, претставуван од нашата Благица Петрески, учествуваше со презентација на своите добри практики на вториот настан за макро-врсничко учење (Second Macro-Peer Learning Event), организиран од World Bank North Macedonia – Светска банка Северна Македонија во рамки на #EU Trust Fund for Strengthening #FiscalGovernance во #ЗападенБалкан.
Настанот се одржа во Подгорица на 29–30 септември и ги обедини експертите од министерствата за финансии, централните банки, фискалните совети и тинк-тенковите за дискусија на следните теми:
💡 ревидираниот ЕУ фискален рамковен механизам,
📊 nowcasting на растот и синхронизација на циклусите,
🌱 моделирање и примена на климатските ризици,
📉 проценки за одржливоста на јавниот долг,
🔍 прогнозите за есен 2025 и поврзаните неизвесности.
Голема благодарност за можноста за плодна и инспиративна размена на знаења и искуства!

Завршна церемонија во ЕЕСК

Во Брисел, под слоганот Stand up for democracy, speak up for Europe, се одржа завршната церемонија на мандатот на претседателот Оливер Ропке на Европскиот економски и социјален комитет (ЕЕСЦ).
✨ На настанот беа истакнати придонесите на Комитетот во јакнењето на демократијата, улогата на младите, граѓанското општество и еднаквоста во Европа. Учествуваа номинирани членови – претставници од сите земји членки и кандидатки за членство во ЕУ.
🤝 Благица Петрески, како член на ова тело, беше дел од свеченоста, а активностите на ЕЕСЦ продолжуваат и во следниот период.