Мрежа FISCAST – Подобрување на дијалогот за поголема финансиска транспарентност на општините, со фокус на парафискалните давачки

Главната цел на проектот е „Да се ​​зајакне мрежата FISCAST во мониторингот на и партнерството со локалните засегнати страни за финансиската транспарентност на ЕЛС, со осврт на парафискалните давачки“.

Оваа главна цел е поделена на специфични цели што вклучуваат конкретни интервенции на четири фронта.

Специфична цел 1: Да се ​​зајакнат капацитетите на локалните граѓански организации и на мрежата FISCAST да станат активни чинители во процесите на финансиска транспарентност во општината;

Специфична цел 2: Да се ​​подобри буџетот на општината и транспарентноста на парафискалните давачки;

Специфична цел 3: Да се ​​воспостави дијалог заснован врз докази, со повеќе засегнати политики за следење на финансиската транспарентност и градење ефективни општински политики;

Специфична цел 4: Да се ​​зголеми јавната свест за придобивките од повисоката транспарентност, отчетност и одржливост за граѓаните и бизнисите, во нивните улоги и капацитети да дејствуваат на локално ниво.

Времетраење: јануари 2021 година – јули 2023 година

Донатор: Европска делегација

***

Повици и тендери

ПОВИК ЗА ИЗРАЗУВАЊЕ ИНТЕРЕС НА ЕДИНИЦИТЕ НА ЛОКАЛНАТА САМОУПРАВА ВО РЕПУБИКА СЕВЕРНА МАКЕДОНИЈА И ГРАДОТ СКОПЈЕ

Повик за тендер за дизајн и печатење материјали 03-156-01 ИПА-2020-420-727-01

Повик за тендер за даночен експерт за проверка на собрани парафискални давачки 03-162-01 ИПА-2020-420-727-02

Повик за тендер за експерт-група експерти за изработка на студии за финансиска транспарентност и отцетност на локално ниво 03-346-01 ИПА-2020-420-727-03

Повик за тендер за експерт-група експерти за изработка на студии за опстински парафискални давачки 03-370-01 ИПА-2020-420-727-04

Брза проценка на влијанието на Ковид-19 врз избрани локални програми и поддршка на локалното планирање и буџетирање како одговор на непосредните социо-економски потреби на жените и мажите

Целта на овој проект е да обезбеди поддршка во развојот на брза проценка на влијанието на Ковид-19 врз избрани локални програми и да го поддржи локалното планирање и буџетирање како одговор на непосредните социо-економски потреби на жените и мажите.

Овој предлог ги предвидува следниве активности:

  • Канцелариска анализа на буџетите на ЕЛС за 2020 година со цел да се мапира предвидените родово-одговорни програми, нивно категоризирање и компаративна анализа со локалните политики и стратегии за еднакви можности помеѓу мажите и жените, со цел да се процени колку локални програми и средства се алоцирани директно за жени, пред Ковид-кризата.
  • Длабински интервјуа со службеници на ЕЛС за детално да се дискутираат интервенциите за одговор на ЕЛС за решавање на потребите на локалниот граѓанин, во врска со родовото влијание.
  • (Он-лајн) фокус-групи со локални граѓани за да се оцени нивното искуство и став кон мерките за одговор на ЕЛС во справување со влијанието од Ковид-19.

Сите активности ќе резултираат во кратка анализа на родовата буџетска политика (15-18 страници) за секоја ЕЛС одделно, со вклучена проценка на интервенциите за одговор на ЕЛС од родова перспектива, како и политика и препораки за подобрување на процесот на родово буџетирање во пост-Ковид периодот.

Клиент: UN Women Скопје

Родова еднаквост на работното место: Мониторинг на локално ниво

Главната цел на проектот е промоција и поттикнување родова еднаквост и недискриминација при вработување и на работното место.

Краткорочните цели на проектот вклучуваат: 1) да се проценат ставовите на работодавачите за родовата нееднаквост и дискриминација при вработување и на работното место и механизмите за нивно спречување и заштита; 2) да се испитаат искуствата на работниците во врска со родовата нееднаквост и дискриминација и да се процени дали тие се сведуваат на изолирани случаи или се систематска појава; 3) да им помогне на креаторите на политиките да донесуваат информирани одлуки засновани врз докази, податоци и препораки; 4) да се поттикне социјален дијалог помеѓу клучните засегнати страни (работници, работодавци и носители на политики); 5) да се зголеми јавната свест за регулаторната рамка за заштита од родова нееднаквост и дискриминација при вработување и на работното место.

 

Донатор: Фондација отворено општество

Времетраење: ноември 2019 – мај 2020

 

Оценка на потребите од социјални услуги на општинско ниво

Целта на проектот е да изврши оценка на потребите од социјални услуги во сите 80 општини на територијата на Северна Македонија.

 

Клиент: Министерство за труд и социјална политика (Проект за подобрување на социјалните услуги)

Времетраење: Август – Ноември 2019

 

Капацитет и иновација на туристичките услуги за одржлив локален економски развој – Нов пристап преку развој на алтернативни туристички атракции

Севкупната цел на проектот е подобрување на локалниот економски развој преку градење капацитети на локалните засегнати страни вклучени во ланецот на туристичка понуда, зголемен квалитет на услугите и развој, лансирање и продажба на алтернативните туристички атракции.

Индиректните очекувани придобивки вклучуваат развој на нови локални брендови и неконвенционални туристички атракции за регионите, коишто на долг рок ќе ги зајакнат регионите како туристички дестинации, ќе привлечат повеќе туристи, а со тоа и поголеми приходи и ќе се промовираат локалните традиционални вредности како клуч за намалување на сиромаштијата и за инклузивен економски раст.

 

Оваа општа цел е поделена на посебни цели коишто вклучуваат конкретни интервенции на три фронта:

  • Специфична цел 1: Економски да се поттикнат општините преку подобрување на вештините и зајакнување на капацитетите на локалните засегнати страни (даватели на туристички услуги, бизнис сектор, невладини организации) за: комуникација, испорака на услуги, услужна култура / однесување, лидерство во туризам, брендирање, промоција и туристички насоки;
  • Специфична цел 2: Да се развијат алтернативни туристички атракции кои промовираат традиционална култура и еколошки аспекти на општините;
  • Специфична цел 3: Да се лансираат и да се промовираат развиени алтернативни туристички атракции во пет дестинации, и да се развие голема мрежа на врски помеѓу локалните, регионалните и националните чинители.

 

Донатор: Проект за локална и регионална конкурентност (ПЛРК) (Светска банка & ЕУ)

Времетраење: Јануари – Септември 2019

 

Тендери

Повик за експерт – Услови за работење

 

360o мониторинг на обезбедувањето социјални услуги на локално ниво: Искуства од општините Прилеп и Долнени

Општа цел на проектот е подобрување на испораката на социјалните услуги на локално ниво, преку зголемување на капацитетите на локалните засегнати страни и вклучување на граѓаните во овој процес, во општините Прилеп и Долнени.

Краткорочни цели на проектот се:

  1. Да го анализира и мониторира обезбедувањето социјални услуги од локалните јавни институции од сите аспекти (оттука, 360o мониторинг), со клучен акцент врз ЈУ Меѓуопштински центар за социјална работа – Прилеп.
  2. Да осознае во која мера обезбедувањето јавни услуги е потпомогнато од приватниот и граѓанскиот сектор.
  3. Да го процени степенот на соработка на локалните засегнати страни и јавните установи што испорачуваат социјални услуги.
  4. Да ги разбере перцепциите и искуствата на локалното население во однос на испораката на социјалните услуги.
  5. Да ги поттикне носителите на локални политики да донесуваат информирани одлуки базирани на докази.
  6. Да ги зајакне капацитетите на сите засегнати страни за поквалитетна испорака на социјални услуги.
  7. Да ја зголеми јавната свест за влијанието на социјалните услуги врз личната и општествената благосостојба.

 

Времетраење: Ноември 2018 – Март 2019

Донатор: Европска Унија преку Фондацијата Отворено Општество Македонија и Еуротинк

 

“Мои пари, моја одговорност”: Партиципативно буџетирање во општините во Македонија

Севкупната цел на проектот е да се подобри праксата и учеството на локалните засегнати страни во процесот на локално буџетирање и да се зголеми ефикасноста на трошењето на општински пари.


Посебните цели / задачи на проектот вклучуваат:

  • Зголемување на учеството на локалните заинтересирани страни – граѓанското општество, бизнис заедницата, граѓаните, локалните медиуми – во процесите на локално буџетирање;
  • Зголемување на свеста на локалното население за тоа како трошење на општинските пари влијае на квалитетот на нивниот живот;
  • Зголемување на кредибилитетот и ефикасноста на одлуките на локалните власти во врска со трошењето на јавните пари, како и подигање на свеста за (потребата од) транспарентност во врска со тоа.

За постигнување на целите на проектот, 6 членови на мрежата FISCAST (плус Finance Think) ќе ја претставуваат суштината на целата мрежа во овој проект. Тие беа внимателно избрани од редот на мрежата FISCAST, врз основа на два критериуми: 1) Членови на FISCAST кои имале искуство со одредени општини; и 2) Членови на FISCAST кои имале пристојна соработка со Finance Think (и во рамките на мрежата воопшто) во минатото (во однос на квалитетот на испораки, навременоста, одговорноста и така натаму). Следниве членови на FISCAST обезбедија писмена согласност и овие се почетните општините што ќе бидат опфатени:

  • Квантум Прима – Кавадарци, за покривање: Кавадарци, Неготино
  • Институт ЗИП – Скопје, за покривање: Сарај, Ѓорче Петров
  • Егри Граѓански Центар за одржлив развој – Крива Паланка, за покривање на две или три од: Крива Паланка, Куманово, Старо Нагоричане
  • Иницијативен Глас – Прилеп, за покривање: Прилеп, Кривогаштани
  • Институт ИМАПКТ- Скопје, за покривање: Струмица
  • Центар за управување со промени (ЦУП) – Скопје, за покривање: Центар, Ѓорче Петров (заедно со ЗИП)
  • Finance Think: Крушево, Центар (заедно со ЦУП)

 

Времетраење: Мај 2017 – Мај 2020

Донатор: USAID Civic Engagement Project преку East West Management Institute