Целта на анализата е да ги осознае расположливите и потребните ресурси за постигнување на развојните цели на Северна Македонија.
Премостувачки мерки за ублажување на последиците од Ковид-19
Остварување на потенцијалот на извозно ориентирани компании да придонесат за закрепнување по Covid-19
Проектот има за цел да ги идентификува потенцијалите на извозно ориентирани капацитети, вклучително и веќе постоечките странски инвеститори во земјата, за поддршка на економското закрепнување пост-Ковид-19.
Специфични цели:
- Да се идентификуваат капацитетите за прилагодување и пренасочување на тековното производство според променетата побарувачка (ново работење, компоненти, комплементарни производи, итн.)
- Да ги идентификува потенцијалите за регионално репозиционирање и користење на глобалната стратегија за поместување на географската распределба и намалување на трошоците
- Да се идентификуваат потенцијалите за инјектирање на капитал што матичната компанија ќе ги направи на компанијата-ќерка во земјата (да ги префрли операциите од други географски локации или да го измени тековното производство, итн.).
- Да се идентификуваат пречките за извоз и раст
- Да се идентификуваат потребите за економски мерки што ќе ги максимизираат идентификуваните потенцијали.
Времетраење: септември 2020 – март 2021
Донатор: Британска амбасада – Скопје
Интерактивен и повеќесекторски механизам за следење на исполнувањето на политичките ветувања сврзани со економијата
Целта на проектот е да промовира мониторинг и мерење на економски цели и резултати од политичко-владини програми, преку користење докази, наоди и податоци и преку поттикнување повеќестран општествен ангажман.
Акцијата ќе ги постигне следните резултати:
Р.1 Поставена е рамка за мерење на економски цели и резултати, во контекст на политички и владини програми, преку користење докази, наоди и податоци;
Р.2 Изградени се вештини кај засегнатите страни за критичка анализа на можните и вистинските резултати од политичките ветувања во делот на економијата;
Р.3 Засегнатите страни го збогатуваат јавниот дискурс преку критичка, аргументирана и жива дебата за изводливоста, резултатите и трошокот на политичките ветувања во економијата.
Донатор: Цивика Мобилитас
Времетраење: Мај 2020 – Мај 2022
Промовирање докази и дијалог за зајакнување на ефектот од државната помош врз благосостојбата на потрошувачите во Северна Македонија
Целта на акцијата е да се промовираат докази и да се поттикне дијалог за улогата на државната помош за благосостојбата на потрошувачите во Северна Македонија.
Специфичните цели на акцијата вклучуваат:
- Да се разберат постојните форми на државна помош во Северна Македонија и нивната (заемна) конзистентност во рамките на целокупното монополско законодавство и законодавството на ЕУ;
- Да се обезбедат цврсти докази за тоа дали државната помош ја нарушува конкуренцијата на пазарот, со примена на најголемата владина програма за субвенционирање на приватни компании;
- Да се подобри дијалогот меѓу засегнатите страни, како и да се подигне јавната свест, за државната помош, усогласувањето со законодавството на ЕУ и благосостојбата на потрошувачите.
Со постигнување на овие цели, акцијата значително ќе придонесе за зајакнување на улогата на државната помош за конкуренцијата на пазарот и, оттука, на благосостојбата на потрошувачите.
Времетраење: Февруари 2020 – Февруари 2021
Донатор: Balkan Trust for Democracy – Norwegian Embassy Belgrade
Заедничка анализа на земјата – економски и социјални трендови
Целта на проектот е да изврши синтеза на постојното знаење во областа на економски, социјалните и развојните трендови и политики во Северна Македонија, да ги идентификува групите од населението кои се најмногу заостанати во поглед на серија развојни индикатори, да идентификува кратко- и среднорочни ризици, како и јазови во знаењето и податоците, се` во контекст на одржливите развојни цели.
Нарачател: Канцеларија на резидентниот координатор на ОН
Времетраење: Ноеври 2019 – Март 2020
Понатаму од доходната нееднаквост во Северна Македонија
Целта на проектот е да обезбеди преглед на нееднаквостите во Северна Македонија понатаму од доходот, т.е. нееднаквости во можностите во четири критични области: образование, здравство, пазар на труд и правда.
Нарачател: УНДП
Времетраење: декември 2019 година – јануари 2020
Економски компас – мерење на ефектите од предложените даночно-социјални политики на политичките партии
Целта на проектот е да ги процени ефектите од економските, социјалните и дел од развојните политики кои ќе ги предложат политичките партии во нивните изборни програми за парламентарните избори 2020, преку користење на МК-МОД Микросимулациски модел за даноци и социјални надоместоци.
Донатор: Civica Mobilitas (делумно финансирање)
Времетраење: Декември 2019 – Јули 2020
Одржлив економски раст преку промовирање алтернативни туристички атракции
Главната цел на проектот е подобрување на локалниот економски развој преку промовирање развиени алтернативни туристички атракции.
Индиректните очекувани придобивки вклучуваат развој на нови локални брендови и неконвенционални туристички атракции за регионите кои на долг рок ќе ги зајакнат како туристички дестинации, ќе привлечат повеќе туристи и со тоа ќе го зголематдоходот и ќе ги промовираат локалните традиционални вредности како клуч за намалување на сиромаштијата и за инклузивен економски раст.
Донатор: Амбасада на САД
Период: Септември – Декември 2019
Премостување на јазовите меѓу мултинационалните компании и домашните МСП во Македонија
Главната цел на Акцијата е да се воспостават и / или да се подобрат врските помеѓу домашните МСП (дМСП) и мултинационалните компании (МНК) кои работат во Македонија, со крајна цел да се зголеми конкурентноста на домашниот бизнис сектор.
Оваа сеопфатна цел е поделена на специфични цели:
- Подобро да се совпаднат побарувачката и понудата помеѓу дМСП и МНК преку адресирање на пречките за снабдување во синџирите на вредност и мапирање на потенцијалните синџири на вредност;
- Да се надгради капацитетот на дМСП со вештини да се “продаваат” себеси на МНК; идентификација на можности, градење мрежи и подобрување на ефикасноста;
- Да се намали технолошкиот јаз помеѓу дМСП и МНК преку подобрување на капацитетите и информациите за стандардизација и лиценцирање, зголемување на иновацискиот и капацитетот за истражување и развој и поттикнување имплементација на нови технологии;
- Да се поттикне вмрежување помеѓу дМСП и МНК преку трансфер на знаење и менторство, како и преу заеднички настани.
Проектот ќе ги даде следните резултати:
- Зголемени технолошки капацитети на дМСП, во смисла на знаење и капацитет за стандардизација и лиценцирање;
- Развиен интерфејс за услуги на понудата и побарувачката (влез во синџирот на вредност на МНК);
- Подобрени капацитети на дМСП за воспоставување ефективна комуникација и презентација на нивната “понуда” на МНК;
- Воспоставени и надградени партнерства помеѓу двете;
- Изготвени брифови / студии за политики со адресирани пречки во снабдувањето на синџирот на вредност и препораки за носителите на политиките.
Донатор: Европска комисија (ЦФЦД – Министерство за финансии)
Времетраење: јануари 2018 – декември 2019
Тендери
Повик за тендер 02-77/1 – Барање за доставување понуда – Oбразец на понудата
Повик за тендер 02/230/1 – Барање за доставување понуда – Oбразец на понудата
Повик за тендер 02/231/1 – Барање за доставување понуда – Oбразец на понудата
Повик за тендер 02/232/1 – Барање за доставување понуда – Oбразец на понудата
Повик за тендер 02/229/1 – Барање за доставување понуда – Oбразец на понудата
Повик за тендер 02/223/1 – Барање за доставување понуда – Oбразец на понудата – Спецификации
Повик за тендер 02/222/1 – Барање за доставување понуда
Повик за тендер 02/316/1 – Барање за доставување понуда – Oбразец на понудата
Повик за тендер 02/88/01 – Барање за доставување понуда – Oбразец на понудата – Спецификации
Повик за тендер 02/404/01 – Барање за доставување понуда – Oбразец на понудата